ടേം ഇൻഷുറൻസ്.
ജീവിതത്തിൽ നേരിടാവുന്ന അപ്രതീക്ഷിത പ്രതിസന്ധികളേയും മുൻകൂട്ടി കാണാൻ കഴിയാത്ത സാഹചര്യങ്ങളിലും കുടുംബത്തിന്റെയും ആശ്രിതരുടേയും വ്യക്തിഗതമായ സാമ്പത്തിക ഭദ്രതയ്ക്കും ഇൻഷുറൻസ്
ജീവിതത്തിൽ നേരിടാവുന്ന അപ്രതീക്ഷിത പ്രതിസന്ധികളേയും മുൻകൂട്ടി കാണാൻ കഴിയാത്ത സാഹചര്യങ്ങളിലും കുടുംബത്തിന്റെയും ആശ്രിതരുടേയും വ്യക്തിഗതമായ സാമ്പത്തിക ഭദ്രതയ്ക്കും ഇൻഷുറൻസ് പരിരക്ഷ അനിവാര്യമാകുന്നു. ഇതിൽ തന്നെ ഒരോ വ്യക്തികളുടെയും ധനകാര്യ ശേഖരത്തിൽ ഒഴിച്ചുകൂടാനാകാത്ത ഘടകമാണ് ടേം ഇൻഷുറൻസ്. മിക്കപ്പോഴും ഒരു നിക്ഷേപത്തിൽ നിന്നും ലഭിക്കാവുന്ന ആദായം പോലുള്ള അനുബന്ധ ഗുണങ്ങളില്ലെങ്കിലും ഒരു വ്യക്തിയുടെ അഭാവത്തിൽ അയാളുമായി ബന്ധപ്പെട്ട് നിൽക്കുന്നവർക്ക്, ഏറ്റവും ഫലപ്രദമായി സാമ്പത്തിക പരിരക്ഷ ഉറപ്പാക്കാനാകുന്ന പദ്ധതിയാണ് ടേം ഇൻഷുറൻസ്. അതേസമയം അനുയോജ്യവും പര്യാപ്തവുമായ ടേം ഇൻഷുറൻസ് പോളിസികൾ തെരഞ്ഞെടുക്കുന്നതിന് മറ്റു ചില ഘടകങ്ങൾ കൂടി വിലയിരുത്തേണ്ടതുണ്ട്.
നിങ്ങൾക്ക് എത്രത്തോളം ലൈഫ് ഇൻഷുറൻസ് കവറേജ് അഥവാ പരിരക്ഷ ആവശ്യമുണ്ടെന്ന് തീരുമാനിക്കുന്നത് നിരവധി ഘടകങ്ങളെ കണക്കിലെടുത്ത ശേഷമാകും. ദൈന്യംദിന വീട്ടുചെലവ്, കുട്ടികളുടെ പഠിത്തം, വിവാഹം എന്നിങ്ങനെ നിങ്ങളുടെ കുടുംബത്തിന്റെ നിലവിലെയും ഭാവിയിലേയും സാമ്പത്തിക ആവശ്യങ്ങൾ പരിഗണിക്കുക എന്നതാണ് ഒന്നാമത്തെ ഘടകം. അതുപോലെ ഭവന വായ്പ, പേഴ്സണൽ ലോൺ, കാർ ലോൺ, ക്രെഡിറ്റ് കാർഡ് ഇഎംഐ പോലെയുള്ള കട ബാധ്യതകളും ഇതിനകം നടത്തിയിട്ടുള്ള നിക്ഷേപവും പരിഗണിക്കുക എന്നതാണ് പരിരക്ഷ കണക്കാക്കുന്നതിനുള്ള രണ്ടാമത്തെ ഘടകം. ചുരുക്കത്തിൽ നിങ്ങളുടെ കുടുംബത്തിന്റെ നിലവിലേയും ഭാവിയിലേയും സാമ്പത്തിക ആവശ്യങ്ങളും സാമ്പത്തിക ലക്ഷ്യങ്ങളും പരിഗണിച്ചു വേണം മതിയായ ഇൻഷുറൻസ് പരിരക്ഷയുടെ അളവ് നിശ്ചയിക്കേണ്ടത്.
ഇൻഷുറൻസ് കാലയളവ് എത്ര വേണം?
ഇൻഷുറൻസിൽ സമയം നിശ്ചയിക്കുന്നത് വളരെ നിർണായകമായ കാര്യമാണ്. നിങ്ങളുടെ നിക്ഷേപങ്ങളിൽ നിന്നും വിരമിക്കുന്നത് ഉൾപ്പെടെ പരിഗണിച്ച്, കുടുംബത്തിന്റെ ഇപ്പോഴത്തേയും ഭാവിയിലേയും ആവശ്യങ്ങൾ, നേരിടാൻ പര്യാപ്തമായ ഒരു സഞ്ചിത നിധി അഥവാ സമ്പത്ത് കെട്ടിപ്പടുക്കാൻ എടുക്കുന്ന കാലയളവിനോട് ഒത്തു പോകുന്നതായിരിക്കണം നിങ്ങളുടെ ഇൻഷുറൻസ് പരിരക്ഷാ കാലയളവ്. കുടുംബത്തിന്റെ സാമ്പത്തിക ഭദ്രത ഉറപ്പാക്കാനുള്ള മതിയായ സമ്പാദ്യം നേടുന്നതിനു മുമ്പെ അവസാനിക്കുന്ന ടേം ഇൻഷുറൻസ് കാലയളവ്, നിങ്ങളുടെ കുടുംബത്തിന് മേൽ സാമ്പത്തികമായ റിസ്ക് ഘടകങ്ങൾ തുറന്നിടുന്നു. അതുപോലെ മതിയായ സമ്പാദ്യം നേടാനുള്ള കാലയളവിന് അപ്പുറത്തേക്ക് പോളിസി കാലയളവ് നീട്ടിക്കൊണ്ട് പോകുന്നത് പ്രീമിയം തുകയിലൂടെ പണം ചോർത്തുകയും ചെയ്യും. അതിനാൽ സാമ്പത്തിക ലക്ഷ്യങ്ങൾ എല്ലാം പരിഗണിച്ചുള്ള അനുയോജ്യമായ കാലയളവ് തീരുമാനിക്കുക.
ടേം ഇൻഷുറൻസ് എടുക്കാനുള്ള അനുയോജ്യ പ്രായം?
ലൈഫ് ഇൻഷുറൻസിനെ സംബന്ധിച്ച്, ’എത്ര നേരത്തെ അത്രയും നല്ലത്’ എന്നതാണ് വിജയമന്ത്രം. നിങ്ങൾക്ക് ജോലി ലഭിക്കുന്ന സമയത്ത് തന്നെ ലൈഫ് ഇൻഷുറൻസ് പ്ലാൻ വാങ്ങുകയാണെങ്കിൽ, പ്രീമിയം തുകയുടെ ഇനത്തിൽ ഗണ്യമായ ലാഭം നേടാനാകും. പോളിസി കാലയളവിലും പ്രീമിയം തുക ഏറെക്കുറെ മാറ്റമില്ലാതെ തുടരാം. എന്നാൽ, നിങ്ങൾ 30-കളിലോ 40-കളിലോ എത്തിയിട്ടാണ് പോളിസി വാങ്ങുന്നതെങ്കിൽ, അത്രയും നാൾ നിങ്ങളുടെ കുടുംബത്തിനു മേൽ സാമ്പത്തിക റിസ്ക് പതിഞ്ഞിരിപ്പുണ്ടായിരുന്നുവെന്ന് ഓർക്കുക. കൂടാതെ, പ്രായവും ആരോഗ്യവുമായി ബന്ധപ്പെട്ട എന്തെങ്കിലും പ്രശ്നങ്ങൾ ഉണ്ടെങ്കിൽ ഇൻഷുറൻസ് കവറേജിന് വേണ്ടി ഉയർന്ന പ്രീമിയം തുക നൽകേണ്ടിയും വരും.
നിരന്തരം അവലോകനം ചെയ്യുക
ഓരോ വ്യക്തികളുടേയും ധനകാര്യ പോർട്ട്ഫോളിയോയിൽ ലൈഫ് ഇൻഷുറൻസ് കവറേജ് നിർണയാക ഘടകമാണ്. ഇൻഷുറൻസ് കവറേജിന്റെ പര്യാപ്തതയെ കുറിച്ച് നിരന്തരം അവലോകനം ചെയ്യണം. ജീവിത ശൈലിയിലെ മാറ്റങ്ങളാലോ വരുമാനം വർധിക്കുന്നതിനാലോ കടബാധ്യതയിലോ ഏറ്റക്കുറച്ചിലുകളാലോ സാമ്പത്തിക ലക്ഷ്യങ്ങളാലോ ഒക്കെ, കാലം പിന്നിടുന്തോറും ഓരോരുത്തരുടേയും സാമ്പത്തിക സാഹചര്യങ്ങളും മാറിമറിയാം. ഇതിന്റെ പരിണിതഫലമായി കുടുംബത്തിന്റെ സാമ്പത്തിക ആവശ്യങ്ങളിലും മാറ്റം വരും. അതിനാൽ ലൈഫ് ഇൻഷുറൻസ് കവറേജിന്റെ പര്യാപ്തയെ കുറിച്ചും നിരന്തരം അവലോകനം ചെയ്യേണ്ടത് അനിവാര്യമാകുന്നു. നിലവിലെ സാഹചര്യം വിലയിരുത്തി ആവശ്യത്തിനുള്ള പരിരക്ഷ ഇല്ലെങ്കിൽ അത് പരിഹരിക്കാനുള്ള നടപടി സ്വീകരിക്കുക.
LIC term Insurance
LIC Yuva Term Plan 875
LIC Yuva Term Plan 875 - Life Insurance Corporation of India (LIC) has launched a new term plan named LIC Yuva Term Policy Table Number- 875. This is a term insurance plan best suited for working individuals who have dependent children and parents. This plan provides family protection against death due to uncertainties of the policy holder at a very low premium.
Read More